SCIALPINISTICA Capro/Botzer (da Passiria) del 26/03/2011

La nef st'am alle basse la scarseggia, e anca vist el tempo en peggioramento ne tocca trovar qualcos per meter d'acordo la nef co la visibilità e l vent da nord: el Capro dalla val Passiria! I diss bem che l'è en gitom con en sviluppo immenso, ma... gh'è da nar! Ne trovem alle 4 e 1/2 co l'Albert e l'Andrea al stadio e per le 6 e 1/2 sém zà pont endò che l'inverno i sèra la strada sotto el passo Rombo/Timmelsjoch. Su le pèl e via de bala a puntar su per la piana della malga sora. Per la massa voja de nar e far en pressia, envenze che seguir el senter come tute le altre volte, la mpontem dritta su per i prai a destra della forestale: alla fim è stà na cazada, vist che po', dovendo scavezar rento per la val ne toca calar almen 50metri. El passo l'è veloce e davanti gh'è demò tré gruppetti de skialp che, se uno raggiunta la malga el se trà a sinistra vers l'Agnello di dentro, e n'altro a destra vers la Cintola o l'Alta de Montecroce, l'ultim el ne fa da apripista su per i dossoni longhi eterni!! El temp el tegn più o men, e dopo nà bevua de acqua ripartim de bona lena en piano: a parte i 200metri che se ciapa prima e altri 200 dopo la malga, sto tòc qi l'è tutt sviluppo. Entrém en tel vallom su per traversi e dopo dò ore de marcia ne lassém a sinistra el bivio per la salita al ghiacciaio di Malavalle e cima Libera: el skialp che gh'evém davanti el ciapa propri stà deviaziom. Terminà el vallom vers Malavalle, ne spèta el tòc ert dela salita: en pontérom da foc che saltém su con rampant e ocio a no rugolar: me digo che i 30-35 gradi i gh'è tuti. Finalmente ecco che ne se davèrze davanti el vallom final, e entant se sèra via anca el temp: che fret, diaolopo'! E anca la nef a tòchi giazada no la ne agevola zerto la tenuta dele pèl de foca. Altri 300metri e puntém alla forcellina endò che se congiunge la salita dalla val Ridanna: adess ne manca demò el tòc de grestina e i ultimi 30 metri e ghe sém... Beh... la grestina affilada l'è propri fina e di passarla for coi sci (e i bacheti per aria) no me la sento massa, e vist che stà vetta l'ho zà fatta, me fermo al passòt a spetàr che l'Andrea e l'Alberto i porta a cà stà vetta, entant magno qualcos, che 1800 metri de salita en le gambe i ho sentui propri! S'è estra alzà l'aria fredda e del sol no gh'è pù tracia.... Vinti minuti de pausa e cavà le pèl podém molarla vers val. La néf la fa abbastanza schifo e dopo en par de curve en grosta, finisso col cul enterra e postando zò el gombét sento nà fitta alla spalla sinistra (zà operada dò anni fa): DIAOLOPO', DIAOLOKAN, PORCATROIA, VAFFANCULO! L'è tornada for! E mi ho bem capì che me tocherà tornar a Innsbruck ;-) La trago rento con non chalanche, ma l'è engrevada come le altre volte che la se lusseva. La discesa la fago mooolto lenta, e l pianoro ancor de pù: gh'è da buttar en pél, ma avrìa pensà pù lonc. Tornai alla malga la molém en velocità zò per la stradèla e per mezdì sém lì che parcheggiém all'Alpenrose per l'immancabile birraccia e ciòpa de speck...






Ecco la nossa destinaziom de ancoi: gh'è da nar!
..i pianoni rento per entrar dalla Passeiertal i è longhi eterni...
dai dai che ne svizinem alla salita!
..e arrivai enzima al passo, se segue la gresta fim al Berg Heil...
..la discesa, per via dei piani, la deventa longa anca quela...
La pubblicità per i skialp, qi, i l'ha fatta massa bem! I è riusidi a doprar la stessa fusiom de parole en tute e doe le lingue!


Ste pagine l'e' stae cargade volte da visitatori dal 3 de agost 2005